الخميس، 3 يوليو، 2008






الي كل احبائي واصدقائي المدونين



اعتذر منكم




فساترك قلمي




ولن ادون مرة اخري




وأرجواا ممن اهانوني في اخر بوست




الا يحكموا علي الاخرين فلكل منا وجهة نظره الخاصة



والسلام عليكم ورحمة الله وبركاته

الاثنين، 30 يونيو، 2008









انا اسفه لعرض هذا البوست

الاثنين، 23 يونيو، 2008



* في بيتنا حشرة.....طائرة*


انا زي معظم البنات مش كلهم ماما تقول : اغسلي الاطباق ، اقولها : حاضر و نعم.......................


بس حظي الجميل اني وانا بغسلها ظهرت اخطر حشرة؟؟؟صرصار طائر فظللت اصرخ بأعلي صوتي............الحقوني .............واصرخ...ولا استطيع


الحركة من مكاني ....وحظي الاحسن ان ابوية الوحيد اللي مش بيخاف كان فين؟؟؟؟؟؟؟؟؟؟؟طبعا في الشغل؟؟؟؟؟؟


ولكنني وجدت من ينجدني ((الثانويه العامه ))اختي الصغيرة............فاذا هي داخلة لتنقذني، وفي نفس الوقت هاربة وتتركني


فذهبت فوق السرير وا ختبأت من الصرصار الخطيــــــــــــــر.........


وما زلت انا أصرخ............


ولكن الحمد لله كانت اختي الكبيرة داخل بيت الراحة يعني بيني وبينها مترين علشان تطلع لازم تعدي عليا.....


وعندما سمعتني انطق باسم الحشرة

*

*

*

قفذت من شباك الحمام وجري استخبت زي الصغيرة ..............وصحبتكم مستنيه حد يلحقها؟؟؟؟؟؟؟؟؟؟؟؟؟؟؟؟؟؟؟؟؟


الحمد لله ربنا موسع علينا وعطينا شقة كبيرة واخيرا سمعتني الحاجة ماما...............فجائت راكبة صاروخ النجدة ومعها باطنية بتحسب


صاحبتكم اتحرقت يعني.........


فغطتني وقالت لي ما بكي ؟؟؟؟؟؟؟اتحرقتي؟؟؟؟؟؟؟طب زيت سخن ؟؟؟؟؟؟؟؟؟؟يا بنت بطلي صويت وقوليلي مالك !!!وبدات بالبكاء


فقلت لها صرصار يا ماما ......صرصار...............................................................


فذهبت هي الثالثة وتركتني...


وذهبت الي النوم وهي حاملة قلبها بيدها


فهل لأحدكم ان ينقذني ارجوكم؟؟؟؟؟؟؟؟؟؟؟؟؟؟؟؟؟؟؟



الأحد، 22 يونيو، 2008

الله يبارك










allah yebarek.mp3

Download it at mp3space.com

السبت، 21 يونيو، 2008

يوم يكرم المرء أو يهان...










ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة




بعد ما قعدت أحشي المعلومات في دماغي طول أيام المذاكرة المخنقة..لبست هدومي..وقبل




أن أخرج من باب البيت..نظرت إلى الكتاب..وقولتله: وربنا..وربنا ما حذاكرك تاني..ثم ذهبت إلى اللجنة مسرعاً




وأنا سعيد إني خلاص حفضي دماغي من مادة كاملة-طبعاً ده إن نجحت فيها إن شاء الله




-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب




..سطرت الورقة وجهزتها للفرم اللي حيحصلها..وفجأة!!!!!!




وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!




.إيه ده يا واد يا جمعاوي .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين..




-متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..




كالآتي:-------------------------------------------------------------------------------------------




الاسم:اكتب اسم الحاجة أمك :.............




رقم موبيلك:...............




الإيميل:...................




. السيبر المفضل:.............




.السؤال الأول:اختار من بين الأقواس الكلام الصح:





1- حنان ترك اتحجبت يعني............(لبست جزمة - لبست ساعة - لبست ايشرب)





2- اللي بنى هرم خوفو..............(طلعت مصطفى - المقاولون العرب - مقاول عادي - خوفو)





3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)





4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............(يا ماما - يا بابا - يا خالو - يا ريس - يا مصر)





5 - مصر هى أمي نيلها جوا...........(بطني - رجلي - جيبي - دمي)





6- رئيس مصر القادم السيد......(جمال مبارك - جمال مبارك - جمال مبارك - كل ما سبق)





السؤال الثاني:أكمل الجمل الآتية بكلام م الآخر:





1- انتبه من فضلك السيارة ترجع إلى.......................





.2- ماما زمنها.................





..3- من خلال تجاربك السابقة...البامبرز استيك منه.............





4- طلعت أدّب نزلت أدّب لقيت الدب بيأزز...........





.5- اسم والد اللاعب وائل جمعة الحاج..............





السؤال الثالث:ضع علامة NIKE أو علامة غلط أمام الكلام الجاي:





1- بابا فين؟؟ ..بابا هنا..قوله مين؟؟ قوله عمو ( )





2- الشرطة دائما في خدمة الشعب ( )





3- اللي بيته من سيراميك ميحدفش الناس بالبلاط ( )





4- شاي الجوهرة حتة سكرة ( )





5- يحكم مصر النظام الملكي ( )





"ملحوظة:لو معرفتش سؤال ابقى طلع المنفستو اللي معاك يا جمعاوي..غش براحتك..كده كده حتسقط يا جمعاوي عشان تحرم تقول لكتاب المادة بتاعتي كده..ماشي يا جمعاوي!!!!"





----------------------------------------------------------------------------------------------





قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة





تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي -جمعاااااااااااااااوي..أنت




ياوااااااااااد يا جمعاااااااااااوي قوم بقى..





عشان تروح الامتحان





-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب





جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب ..





مقدرش أعيش من غيرك يا كتاب ..هو أنا ليا بركة ألا انت يا كتاب

الأحد، 15 يونيو، 2008

مين منكم مرت عليه المشكلة دي؟؟؟؟





حد يقولى انا صح ولا غلطان اتعرفت على واحده من على النت وكلمتها انى عايز ارتبط بيها وطلبت انى اقابلها


وشوفتها وحبيتها وحكيت لاهلى عنها وروحت بيتها واهلها ناس طيبين جدا ورحبوا بيامش عارف انا صح ولا


غلط اهلى ميعرفوش انى عرفتها من على النت واهلها كمان مش عارف اعمل ايه
الــرد
الاستاذ/
طلعت فهمى


دائماً نقول أن التعارف على النت لا يؤدي إلى تعارف كامل وصحيح ولكن في حالتك أنت الآن تعرفت عليها وقابلتها


( ومع تحفظ على مقابلتك لها من وراء أهلها وموافقتها هي على ذلك )أنت الآن تقدمت إلى أهلها وتقول عنهم أنهم


أناس طيبون أرجو أن يستمر تعارفك عليها في حضور أهلها لأن الخلوة حرام شرعاًوتحرص على أن تفهم


شخصيتها وطباعها وأخلاقها وقبل ذلك تمسكها بدينها والتزامها بتعاليمه فإذا وجدت أنها تخاف الله وتؤدي فرائضه


وتتوافق معك في كثير من أخلاقك وطباعك فصل صلاة الاستخارة وتقدم لخطبتها مع الالتزام بكافة الآداب الشرعية


للخطبة.ولا داعي أن تقول لأهلها أنك تعرفت عليها عن طريق النت فأنت الآن في بيتهم فأنظر أمامك ولا تنظر


خلفك والله يوفقك.

فـي بيتهـم بـاب....




كانت هناك حجرة صغيرة فوق سطح أحد المنازل, عاشت فيها أرملة فقيرة مع طفلها الصغير ...حياة


متواضعة في ظروف صعبة.. إلا أن هذه الأسرة الصغيرة كانت تتميز بنعمة الرضا و تملك القناعة


التي هي كنز لا يفنى .


لكن أكثر ما كان يزعج الأم هو سقوط الأمطار في فصل الشتاء.. فالغرفة عبارة عن أربعة جدران, وبها


باب خشبي, غير أنه ليس لها سقفو كان قد مر على الطفل أربعة سنوات منذ ولادته لم تتعرض المدينة


خلالها إلا لزخات قليلة وضعيفة, إلا أنه ذات يوم تجمعت الغيوم و امتلأت سماء المدينة بالسحب


الداكنة.



و مع ساعات الليل الأولى هطل المطر بغزارة على المدينة كلها, فاحتمى الجميع في منازلهم, أما


الأرملة و الطفل فكان عليهم مواجهة موقف عصيب.



نظر الطفل إلى أمه نظرة حائرة و اندسّ في أحضانها, لكن جسد الأم مع ثيابها كان غارقًا في البلل ...



أسرعت الأم إلى باب الغرفة فخلعته ووضعته مائلاً على أحد الجدران , وخبّأت طفلها خلف الباب


لتحجب عنه سيل المطر المنهمر...


فنظر الطفل إلى أمه في سعادة بريئة و قد علت على وجهه ابتسامة الرضا وقال لأمه: ماذا يا ترى يفعل



الناس الفقراء الذين ليس عندهم باب حين يسقط عليهم المطر ؟



لقد أحس الصغير في هذه اللحظة أنه ينتمي إلى طبقة الأثرياء.. ففي بيتهم باب.




*******



ما أجمل الرضا.... إنه مصدر السعادة و هدوء البال ..... ووقاية من أمراض المرارة و التمرد و



الحقد.....